

D3858

@##། །རྒྱ་གར་སྐད་དུ། མ་དྷྱ་མ་པྲ་ཏཱི་ཏྱས་མུད་པཱ་ད་ནཱ་མ། བོད་སྐད་དུ། དབུ་མ་རྟེན་ཅིང་འབྲེལ་པར་འབྱུང་བ་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །རྟེན་ཅིང་འབྲེལ་པར་འབྱུང་བ་ཡི། །དོན་ནི་བདག་གིས་བཤད་པར་བྱ། །སྣང་བའི་དངོས་པོ་ཐམས་ཅད་ནི། །ངོ་བོ ཉིད་ཀྱིས་སྟོང་རིག་བྱ།།རྟེན་ཅིང་འབྲེལ་པར་འབྱུང་བའི་ཕྱིར། །སྒྱུ་མའི་རྟ་གླང་ཇི་བཞིན་ནོ། །དེ་ཕྱིར་དོན་དམ་སྐྱེ་བ་མེད། །སྐྱེ་མེད་དེ་ནི་སེམས་ལ་བཞག་།སྣང་བ་རང་བཞིན་མེད་པ་རུ། །མི་རྟོག་པ་ཡི་སེམས་ཀྱིས་བསྒོམ། །སྤང་བ་དང་ནི་ཡེ་ཤེས་འགྲུབ། །མི་མཐུན་ཕྱོགས་ནི་རྣམ་ པ་དྲུག་།ལེ་ལོ་དང་ནི་དམིགས་པ་བརྗེད། །བྱིང་བ་དང་ནི་རྒོད་པ་དང་། །མི་རྩོལ་བ་དང་རྩོལ་བའོ། །དེ་སྤོང་བ་ཡི་གཉེན་པོ་བརྒྱད། །ཡང་དང་ཡང་དུ་བསྒོམ་པར་བྱ། །རྗེས་ལ་ཕ་རོལ་ཕྱིན་པ་ཡི། །སྤྱོད་པ་བཞིན་དུ་གནས་པར་བྱ། །གཡེང་བ་ཐམས་ཅད་སྤངས་ནས་ནི། །དགོན་པ་རུ་ནི་གནས་པར བྱ།།ང་རྒྱལ་ཐམས་ཅད་སྤངས་ནས་ནི། །དམན་པའི་སེམས་དང་ལྡན་པར་བྱ། །གཞན་ལ་མི་མཁོ་བ་ཡི་རྫས། །བདག་གི་དགོས་པའི་དོན་དུ་བཟུང་། །དབུ་མ་རྟེན་ཅིང་འབྲེལ་བར་འབྱུང་བ་ཞེས་བྱ་བ། སློབ་དཔོན་ནག་པོ་པས་མཛད་པ་རྫོགས་སོ།

梵语：Madhyama Pratītyasamutpāda Nāma
藏语：中观缘起论
顶礼三宝！
我今当说明，缘起之义理。
一切显现事，当知自性空。
由其缘起故，如幻马牛然。
是故胜义中，无生而安住。
无生住心中，显现无自性。
以无分别心，修习而证得。
断除与智慧，违品有六种：
懈怠与忘念，昏沉及掉举，
不勤与太勤，对治有八种。
应当反复修，后如行六度。
远离诸散乱，应住于寂处。
断除一切慢，具足谦卑心。
他人不需物，自己勿受用。
《中观缘起论》，阿阇黎黑者造毕。






